هذي روحي .. 
تبدّي الشوف وتتعثر.. 
يلچمها الهوا، يجيب الصوت ويودي .. 
متعوبة .. مثل طفلة ماخذها واهس لعب .. 
ويخوفها الحچي .. ترد ردود للحلم .. 
تزرع بشهگاتها شيلة سودة بكبر السما .. 
مريّعة بالخوف .. 
تركض بين الشموس .. 
بلكت أمس .. لو مخضّر باچر زغيّر .. 
على الضفيرة .. 
يزهّر ورد وفياي على الوجنات.. 
على الچلمات :(يمّه.. يمّه) .. 
هذي آني .. 
مدري انتِ.. 
مدري نلعب سوية .. وياخذنا واهس حلم .. 
مدري نبّت طولچ على طولي .. 
فرشت الگاع بحنتچ .. 
وفكيت خيوط جروحچ .. 
وتقاسمنا الگلوب .. 
گوشر الچ .. وروح إلي مرشوشة بمي العصر .